Almatyda psıhologııalyq aýytqýy bar 16 jastaǵy qyz joǵalyp ketti
ALMATY. QazAqparat – Almatyda psıhologııalyq aýytqýy bar 16 jastaǵy qyz joǵalyp ketti, dep habarlaıdy QazAqparat tilshisi.
Ekaterına Melkova 6 naýryz kúni Gogol, 20 mekenjaıynan shyǵyp ketken. Sodan beri úıine oralmady.
Qyzdyń jaqyndary psıhologııalyq aýytqýy bolǵandyqtan, úıge qaıtar joldy umytyp, adasyp ketken bolar dep topshylap otyr .
Boıjetkenniń ústinde túrli-tústi kúrte men jasyl shalbar bolǵan.
Qyzdyń ata-anasy Jetisý aýdandyq ІІB aryzdandy.
«Qazir boıjetkendi izdestirý boıynsha arnaıy tergeý toby quryldy. Onyń quramyna krımınaldy polıtsııa, jasóspirimder isi boıynsha polıtsııa bólimshesiniń mamandary, ýchaskelik ınspektorlar kirdi. Munyń aldynda da bul qyz úıinen ketken. Qazir onyń aınalasy, aralasatyn ortasy tekserilip jatyr. Boıjetken aman-esen tabylyp, ata-anasyna tapsyrylady degen úmittemiz», - dedi qalalyq polıtsııa departamentiniń baspasóz qyzmetinen.
