Almatyda psıhıkalyq saýyqtyrý ortalyǵynda esepke turǵandar azaıdy
ALMATY. QazAqparat - Qalalyq narkologııalyq medıtsınalyq-áleýmettik túzetý ortalyǵynda dıspanserlik naýqastar arasynan 701 adam esepten shyǵaryldy. Bul týraly óńirlik kommýnıkatsııalar qyzmetinde bolǵan baspasóz brıfıngi barysynda belgili boldy, dep habarlaıdy QazAqparat tilshisi
2018 jylǵy shilde aıyndaǵy esep boıynsha Almaty boıynsha psıhıkalyq saýyqtyrý ortalyǵy esebinde 6 952 adam turady. Bul byltyrǵy jylmen salystyrǵanda, 9,8%-ǵa tómen. Olardyń ishinde 8 kámeletke tolmaǵan naýqas bar. Sonymen qatar maskúnemdikpen esepte turatyndar sany - 5323 adam. ıAǵnı, 2017 jyldyń salystyrmaly kezeńinen 11,3%-ǵa azaıǵan. Olardyń 3-eýi kámeletke tolmaǵandar. Nashaqorlyqpen 1629 adam esepke alynǵan bolsa, olardyń 5-eýi kámeletke tolmaǵandar. Al 2017 jyldyń salystyrmaly kezeńinen 4,1%-ǵa tómen.
«Bıyldyń birinshi jarty jyldyqta 340 adam birinshi ret esepke alynǵan. Byltyrǵy jylmen salystyrǵanda 19,0%-ǵa tómen. Olardyń 5-eýi kámeletke tolmaǵan. Sonymen qatar, 255 adam maskúnemdikpen esepke alynǵan. Olardyń 2-eýi kámelettik jasqa jetpegen. Nashaqorlyqpen 85 adam esepke alynsa, olardyń 3-eýi 18-ge tolmaǵan. 2018 jyldyń birinshi jartysynda dıspanserlik naýqastar arasynan 701 adam esepten shyǵaryldy, olardyń ishinde «maskúnemdik» dıagnozymen - 575 adam, nashaqorlyq» dıagnozymen - 126 adam tizimnen alynyp tastalyndy»,-dedi qalalyq narkologııalyq medıtsınalyq-áleýmettik túzetý ortalyǵynyń dırektory Sapar Rahmensheev.
