Almatyda psıhıkalyq densaýlyǵy buzylǵan adamdardyń jaǵdaıy talqylandy

Jıynda psıhıkalyq densaýlyǵy buzylǵan adamdardyń jaǵdaıy, otandyq psıhıatrııalyq qyzmetterdiń búgingi jaı-kúıi, bul saladaǵy zańdy aspektiler talqylandy. Semınar aıasynda respýblıkalyq psıhıatrııa, psıhoterapııa jáne narkologııa ǵylymı-praktıkalyq ortalyqqa ekskýrsııa jasaldy. Jýrnalısterge psıhıkalyq densaýlyǵy buzylǵan adamdardyń em alý oryndary tanystyryldy.

"Amansaýlyq" qoǵamdyq qorynyń prezıdenti Baqyt Túmenovanyń aıtýynsha, álem boıynsha psıhıkalyq densaýlyǵy buzylǵan adamdar 10 paıyzdy quraıdy. "Elimizde mundaı adamdardyń esepke alynǵandardardyń sany - 1,8 paıyz. Bul kórsetkishterge qarasaq, elimizde aýrýlar joq sııaqty. Biraq statıstıka boıynsha ózine qol jumsaıtyn adamdar boıynsha elimiz 4 orynda tur, al jastar arasynda aýyr qylmys jasaıtyndar boıynsha - 3 orynda. Eýrazııa boıynsha qyzdar arasyndaǵy aýyr qylmys jasaý jaǵynan 1 orynda tur. Sonymen qatar sońǵy ýaqytta jastar arasynda ózine qol jumsaıtyn jaǵdaılar kóbeıip ketti", - dep atap ótti ol.

Onyń aıtýynsha, "Dúınejúzilik densaýlyq uıymynyń zertteýleri boıynsha psıhıkalyq densaýlyǵy buzylǵan adamdardyń sany búginde 10 paıyzdy qurasa, aldaǵy on jylda 15 paıyzǵa jetýi múmkin. Álem boıynsha bul másele birinshi orynda tur. Sondyqtan qazirden bastap oılanyp, bul máselege basa nazar aýdarý qajet. Ondaı adamdarǵa jaǵdaı jasaýymyz kerek", - dedi ol.

Almaty qalasynyń múgedekter men júıke aýrýyna ushyraǵan jandarǵa arnalǵan ınternat úıiniń dırektory Názıpa Ospanovanyń aıtýynsha, memleket tarapynan barlyq jaǵdaılar jasalyp, kómekter berilýde. "Sońǵy kezde balalardyń tamaqtary da jaqsardy. Biraq búginde bizdi olarǵa bólinetin járdemaqy máselesi tolǵandyrady. Keıbir qamqorshylyqqa alýshylar járdemaqylaryn alǵanmen, júıke dertine ushyraǵn týystaryna qajetti kómekterin kórsetpeıdi", - dedi ol.