Almatyda prokýrorlardyń talabymen tórt kásipker boryshkerler tiziminen shyǵaryldy
Almaty qalasynyń prokýratýrasy ońaltý satysynda turǵan kásipkerlerdiń quqyqtarynyń saqtalýyna taldaý júrgizdi.
Nátıjesinde Almaty qalasynyń sot oryndaýshylary ońaltý josparyn bekitken tórt kásipkerge qatysty atqarýshylyq óndiristi toqtatý sharalary qabyldanbaǵany jáne olar boryshkerler tiziminen shyǵarylmaǵany anyqtaldy.
«Bul kásipkerlerdiń óz qyzmetin tolyq júzege asyrýyna, memlekettik satyp alýlarǵa qatysýyna keri áserin tıgizedi. Almaty qalasy Bostandyq aýdany prokýratýrasynyń usynýymen Almaty qalasynyń Ádilet departamenti tarapynan atqarýshylyq is júrgizýdi toqtatý sharalary qabyldanyp, kásipkerler boryshkerler tiziliminen shyǵaryldy. Bul sharalar kásipkerlik sýbektileriniń berilgen quqyqtaryn erkin júzege asyrýǵa múmkindik beredi»,- dep habarlady vedomstvodan.
Sonymen qatar, prokýratýra «Ońaltý jáne bankrottyq týraly» Qazaqstan Respýblıkasy Zańynyń 68-baby 1-tarmaǵynyń 3) tarmaqshasyna sáıkes ońaltý josparyn bekitý týraly sot uıǵarymy zańdy kúshine engennen keıin barlyq shekteýler jáne boryshkerdiń múlkine salynǵan aýyrtpalyqtar (boryshkerdiń shottaryna óndirip alý, múlikke tyıym salý jáne t.b.) olardy salǵan organdardyń tıisti sheshimderinsiz joıylatynyn eske saldy.