Almatyda prokýrorlardyń talabymen 700 mln teńge qala bıýdjetine qaıtarylady
Vedomstvo málimetinshe, 2018 jyly N. atty azamatshadan memleket muqtajy úshin Medeý aýdanyndaǵy 1 ga jer ýchaskesi men ondaǵy turǵyn emes qurylys (1600 sharshy metrden astam) tárkilengen.
Ótemaqy retinde 696 028 193 teńge tólendi.
«Tekserý jyljymaıtyn múliktiń zańda belgilengen tártippen zańdastyrylmaǵanyn kórsetti. Osyǵan baılanysty jergilikti atqarýshy organ jaýapkerdiń erikti tólemnen jaltarýyna baılanysty osy somany óndirip alý máselesimen sotqa júgindi. Sottyń 2020 jylǵy 17 naýryzdaǵy sheshimimen ákimdiktiń talap aryzy qanaǵattandyryldy. Sot oryndaýshysy qaryzdy májbúrlep óndirý rásimin bastady» dep habarlady Almaty qalalyq prokýratýrasynan.
Sot sheshimin oryndaý barysynda prokýrorlar boryshkerdiń 1,8 mlrd teńgeden asatyn basqa da múlkin anyqtady. Ol ony týysqandarynyń atyna ádeıi aýdaryp tastaǵan.
Osylaısha, qaryzdy tólemeý úshin qarjylyq jaǵdaıyn qasaqana nasharlatqan.
Almaty qalasynyń prokýratýrasy syıǵa tartý shartyn jaramsyz dep taný úshin sotqa júgindi.
«Sot qadaǵalaý organynyń talap aryzyn qanaǵattandyrdy»,- delingen habarlamada.