Almatyda prokýratýranyń 2009 jylǵy jáne 2010 jyldyń alǵashqy toqsanyndaǵy tekserý qorytyndylary týraly alqa jınalysy ótip jatyr
ALMATY. Maýsymnyń 24-i. QazAqparat /Erlik Erjanuly/ - Búgin Almatyda ótken qalalalyq prokýratýranyń alqa májilisinde densaýlyq saqtaý mekemelerinde jáne múgedekter men qarttar úılerindegi birqatar zań buzýshylyqtar talqylandy.
Májiliske densaýlyq saqtaý mekemeleri men memlekettik organdardyń basshylary qatysty. Jıyn prokýrordyń kómekshisi Oljas Baǵjanovtyń densaýlyq saqtaý mekemelerinde júrgizilgen ana men bala densaýlyǵyn qorǵaý zańdylyqtarynyń oryndalýynyń tekserý qorytyndysy týraly esebimen bastaldy. Onyń sózine qaraǵanda, prokýratýralyq tekserý kezinde tómendegideı zań buzýshylyqtar anyqtalǵan: júkti, bosanǵan áıelder men balalarǵa medıtsınalyq qyzmet kórsetý sapasynyń tómendigi jaıly faktiler. Emdeý mekemelerinde alǵashqy býyn kezinde patronajdyq baıqaý klınıkalyq qaraý dárejesiniń tómendigi. Dárigerlermen kepildi kólemdegi medıtsınalyq kómek kórsetilmeýi jáne kásiptik baqylaý dárejesiniń tómendigi. Joǵary dárejeli bilikti mamandardyń tapshylyǵy, medıtsınalyq áreketterdi arnaýly sertıfıkatsyz júrgizý, arnaıy medıtsınalyq quraldardyń eskirgen, uzaq turǵan, merzimi ótken túrlerin qoldaný. Memlekettik satyp alý tártibin buzý, sanıtarlyq-epıdemıologııalyq jáne órtke qarsy normalardyń buzylýy.
«Tekserý qorytyndysy boıynsha 700-den astam zań buzýshylyqtar anyqtalyp, ony joıý týraly 117 usynys engizildi. 224 adam - tártiptik, onyń ishinde 13 adam - sybaılas jemqorlyq, 27 adam - materıaldyq, 61 adam ákimshilik jaýapqa tartylyp, 800 myń teńge aıyppul tólendi», deıdi Oljas Baǵjanov.
