Almatyda prokýratýra 11 kolledjdiń qyzmetine toqtaý saldy
ALMATY. 27 qarasha. QazAqparat - Almatyda Bostandyq aýdanynyń prokýratýrasy tehnıkalyq jáne kásibı bilim berý mekemelerinde bilim berý jáne lıtsenzııalaý zańnamasynyń oryndalýyna qatysty tekseris júrgizdi, dep habarlaıdy Almaty qalasy prokýratýrasynyń baspasóz qyzmeti.
«Prokýrorlyq aktilerdi qaraý barysynda 11 kolledjge qatysty ákimshilik aıyppuldar salynyp, tabylǵan kemshilikter joıylǵanǵa deıin olardyń memlekettik lıtsenzııasynyń qyzmetin 6 aıǵa toqtata turý týraly sheshim shyǵaryldy», - delinedi habarlamada.
Almaty prokýratýrasynyń málimetteri boıynsha, salynǵan aıyppuldardyń jalpy kólemi 2 798 000 teńge bolyp otyr.
