Almatyda professor P. Momynulynyń 3-tomdyq monografııalarynyń tanystyrylymy boldy
i. QazAqparat /Názıra Eleýhan/ - Búgin Almaty qalasynyń Ulttyq kitaphanasynda T.Júrgenov atyndaǵy Qazaq ulttyq óner akademııasynyń professory, pedagogıka ǵylymdarynyń kandıdaty, mýzyka zertteýshisi Pernebek Momynulynyń «Mýzykaly - estetıkalyq tárbıe», «Qazaq mýzykasynyń qysqasha tarıhy», «Qazaq mýzykasynyń qysqasha tarıhy» atty 3-tomdyq oqýlyq-monografııalarynyń tanystyrylymy bolyp ótti,
dep habarlaıdy QazAqparat.
Oqýlyqtar joǵary synyp oqýshylary men stýdent jastarǵa, ónersúıer qaýymǵa arnalǵan. 3-tomdyq oqýlyq-monografııalarda barlyǵy 232 óner qaıratkerleri, kompozıtorlar men dırıjerlar, daryndy ánshiler men sahna sheberleri, mýzyka zertteýshileriniń ómiri men shyǵarmashylyǵyna taldaý jasalǵan. Sonymen qatar, mýzykalyq estetıkalyq tárbıeniń ótken shaǵy men bolashaǵy, jaı-kúıi, órkendeý joldary jazylǵan.
«Bulardy 50 jyldyq shyǵarmashylyq eńbekterimniń nátıjesi dep aıtsam bolady. Atqarylǵan eńbek «Mádenı mura» baǵdarlamasynyń bir salasynyń oryndalýyna baǵyttalǵan», deıdi professor.
Tusaýkeser rásimde atalmysh oqý ornynyń prorektory Qudaıbergen Bolatbaev, «elimizge belgili kóptegen mýzyka men ónertaný mamandaryn tárbıelep shyǵarǵan pedagog-ǵalym aǵamyzdyń úsh tomdyq eńbegi jasóspirimderge bilim berýde, rýhanı jan-dúnıesin baıytýda mańyzy óte zor», dep atap ótti.
Pernebek Momynuly - «Qazaq operasynyń damý joldary», «Mýzykany tyńdaı jáne túsine bilý», «Oqýshylar men jastarǵa estetıkalyq tárbıe berý», «Mýzyka álemine saıahat» jáne taǵy da basqa eńbekterdiń avtory.
