Almatyda Prezıdent saıabaǵyna 100 túp bórtegúl egildi
ALMATY. QazAqparat - Búgin Almatyda jas natýralıster stantsııasynyń belsendileri saıabaq aýmaǵyna shamamen 100 túp bórtegúl (sıren) otyrǵyzdy, dep habarlaıdy QazAqparat tilshisi.
Jas natýralıster stantsııasynyń belsendileri birneshe jyl qatarynan bórtegúl kóshetterin ósirip keledi. Bul kóshetter tanymal jerlesterimiz, selektsıoner-ǵalymdar Dzevıtskıılerdiń kollektsııasynan alynǵan. Olar ómirleriniń 50 jyldan astamyn osy bórtegúldiń jańa surpyn ósirip shyǵarýǵa arnaǵan. 1970-80 jyldary olar Almatyny kógaldandyrýǵa óz selektsııalarynan 6000-nan astam bórtegúl kóshetin jáne 2500 butaǵyn bergen. Sol jyldary búkil qala boıynsha bórtegúl egilgen. Sonyń arqasynda, kóktemde Almatyda osy jupar ıisti gúlderdiń ıisin sezýge bolady.
Keler jylǵy kóktemde bórtegúldiń kóshetteri gúldep, hosh ıis syılaıtyn bolady.
Sonymen qatar, bıyl kóktemde qalada 12 000 aǵash kóshetin otyrǵyzý josparlanyp otyr.
