Almatyda Prezıdent saıabaǵy aýmaǵynda órt shyqty

ALMATY. QazAqparat – Almatyda Tuńǵysh Prezıdent saıabaǵyna jaqyn jerde órt shyqty. Qaraýsyz qalǵan kafeniń jazǵy alańy janyp jatyr, dep habarlaıdy QazAqparat tilshisi.

Janyp jatqan jer túsip qalǵan vıdeo áleýmettik jelide tarady.

«30 qyrkúıekte saǵat 19:44-te Almaty TJD kúshteri men quraldary Bostandyq aýdanynda, ál-Farabı dańǵyly men Navoı kóshesiniń qıylysynda (Úlken Almaty ózeniniń boıynda) jumys isteýde. «Býngalo» qaraýsyz qalǵan kafesiniń jazǵy terrasasy órtenip jatyr», - dep naqtylady TJD.