Almatyda praımerızge 299 adam tirkeldi

ALMATY. QazAqparat – Búgin 17 tamyzda bastalǵan praımerızdiń alǵashqy kezeńi aıaqtaldy. Nátıjesinde Almatyda Nur Otan partııaishilik irikteýge qatysýǵa 299 adam tirkeldi, dep habarlaıdy QazAqparat tilshisi.

«Tirkelgenderdiń ishinde 35,5% áıelder, 35,5% jastar jáne erekshe qajettilikteri bar adamdar, kópbalaly analar, eriktiler jáne basqalar bar. Búgin uıymdastyrý komıteti úmitkerlerdiń qujattaryn tekserýdi aıaqtaıdy. Sodan keıin tolyq tizim praımerız saıtynda jarııalanady. Almaty boıynsha ótinimder sanyna negizdelsek, básekelestik praımerızde bir orynǵa 8 adamdy quraıdy dep aıtýǵa bolady. Kelesi kezeńderde kandıdattardy úgitteýge daıyndaý, úgit-nasıhat jumystary jáne daýys berý bastalady»,– dep habarlady Nur Otan partııasy Almaty qalalyq fılıalynyń baspasóz qyzmeti.

Esterińizge sala keteıik, elektrondyq daýys berý 1-3 qazan aralyǵynda ótedi.