Almatyda polıtsııanyń jaıaý polki 57 qylmysty ashty
ALMATY. QazAqparat – Almatyda polıtsııa polkiniń jaıaý qaraýyldaýdy kúsheıtýiniń arqasynda qalada krımınogendi ahýal birshama jaqsarǵan, dep habarlaıdy QazAqparat tilshisi.
Qalalyq Polıtsııa departamenti baspasóz qyzmetiniń málimetinshe, qala 102 patrýldik ýchaskege bólingen.
Qalada jalpy 2020 patrýldeý marshrýty syzylǵan. 478 marshrýt boıynsha avtopatrýl shyqsa, 55 statsıonarlyq posta polıtsııa qoǵamdyq tártipti baqylaıdy. Qalany jaıaý partýldeýge 1140 polıtsııa qyzmetkeri qatysady.
Olardyń jumysynyń nátıjesinde jyl basynan beri 57 qylmys ashyldy. 3500 adam jaýapkershilikke tartyldy.
«19 naýryzdan bastap tótenshe jaǵdaı jarııalanǵaly beri jaıaý qaraýyldaý toqtatylyp, jeke quramnyń jumysy karantın talaptaryn túsindirý jumystaryna baǵyttalǵan bolatyn. Qazir polıtsııa parkter men skverlerde, adam kóp shoǵyrlanǵan jerlerde reıd sharalaryn júrgizýge jumyldyrylǵan», - dedi PD Jergilikti polıtsııa qyzmeti basqarmasynyń basshysy Manap Sattarov.
