Almatyda polıtsııanyń jas kómekshileriniń sleti ótip jatyr
dep habarlaıdy QazAqparat.
Sharaǵa qala mektepterindegi jas kómekshilerdiń 10 eń úzdik toby qatysýda. Slet qorytyndysy boıynsha 2009 jyldyń eń úzdik jas kómekshileri anyqtalady. Uıymdastyrýshylardyń sózine qaraǵanda sharanyń basty maqsaty polıtsııanyń jas kómekshileriniń jumysynyń tıimdiligin kórsetý, jastardy qoǵamda tártip buzýshylyqty boldyrmaýdy qoldaýǵa jumyldyrý. «Bul búginde óziniń tıimdi jumysyn kóretip otyr», deıdi uıymdastyrýshylar. Búginde qala boıynsha 126 mektepte joǵary synyp oqýshylary arasynda osyndaı toptar uıymdastyrylǵan. Olar mektep ákimshiligi men mektep ınspektorlaryna tártipti kúsheıtý, mektep aýmaǵynda tártip saqtaýǵa kómektesedi. Jyl saıyn olardyń jumysyn yntalandyrý úshin osyndaı slet ótkizilip turady. Onda úzdik toptar anyqtalyp, marapattalady. Búgingi shara barysynda da 10 top ózara synǵa túsip, eń úzdik bolý úshin kúresedi. Slet búgin aıaqtalady. Sharany qalalyq tártip saqtaýǵa yqpal jasaý birlestigi men «Jas otan» jastar qanaty, «Búkilqazaqstandyq quqyq qorǵaý ortalyǵy» qoǵamdyq qory uıymdastyrdy.
