Almatyda polıtsııalyq estafeta jarysy ótti
ALMATY. QazAqparat - Almatyda polıtsııalyq estafeta jarysy ótti. Oǵan ІІD barlyq qyzmetteri men bólimshelerinen 120 polıtsııa qyzmetkeri qatysty. Bul týraly Almaty q. ІІD baspasóz qyzmetinen habarlady.
Ótken ǵasyrdyń sekseninshi jyldary qolǵa alynǵan bul jarys 1992 jylǵa deıin uıymdastyrylyp kelgen bolatyn. Keıin on jyldyq úzilisten keıin 2002 jyly qaıta qolǵa alyndy, - delingen habarlamada.
«Polıtsııa qyzmetkerleriniń kásibı merekesi kúnine oraı polıtsııa estafetasyn ótkizý dástúrge aınaldy. Bul jerde basty talap - jarysqa polıtsııa formasynda qatysý. Ne úshin? Polıtsııa qyzmetkerleriniń qashanda saqadaı saı ekendikterin, olardyń salamatty ómir saltyn ustanatyndyqtaryn jáne dene bitimi jaǵynan myqty ekendikterin jurtshylyqqa pash etý, soǵan kózderin jetkizý. ıAǵnı, qala turǵyndary polıtsııa qyzmetkerlerine qashan da arqa súıeı alady. Kómek der kezinde kelip jetedi» - dedi jarystyń ashylý saltanatynda Almaty q. ІІD kadrlyq jumystar boıynsha basqarmasy bastyǵynyń orynbasary, polıtsııa maıory Oljas Myrzabekov.
Jarystyń normatıvteri polıtsııa qyzmetkerleriniń kúndelikti jumystaryna barynsha jaqyndastyryldy. Estafeta 9 kezeńnen turdy. Olardyń ishinde patrýldyq júgirý, gaztutqyshpen júgirý, avtomat asynyp, zembil ustap júgirý sekildi saıystardy atap ótýge bolady. Jarysqa barlyǵy 11 komanda qatysty.
Jarys qorytyndysy boıynsha jol-patrýldyq polıtsııa polkynyń qyzmetkerleri birinshi oryndy ıemdendi. Ekinshi orynda - aıdaýyl qyzmetiniń batalony. Al shuǵyl áreket jasaý arnaıy jasaǵy - úshinshi oryndy mise tutty.
Salamatty ómir saltyn ustaný - Almaty q. polıtsııa qyzmetkerleriniń kúndelikti jumystarynyń ajyramas bóligi ekeni ras. Polıtseıler qylmystardy kásibı turǵyda ashyp jáne olardyń jolyn kesip qana qoımaıdy, sondaı-aq sportpen de shuǵyldanady. Búginde polıtseıler arasynda da kóptegen sport sheberleri men halyqaralyq dárejedegi sport sheberleri bar.
