Almatyda polıtsııa jaıaý júrginshini qaǵyp ketken «Bentlı» júrgizýshisin tapty
ASTANA. QazAqparat - Polıtseıler jaıaý júrginshini qaǵyp ketken «Bentlı» avtokóligi júrgizýshisiniń qatysýymen bolǵan jol-kólik apatyn muqııat tekserýde, dep habarlaıdy «QazAqparat» HAA tilshisi.
4 maýsym kúni bolǵan jol-kólik apaty faktisi boıynsha qylmystyq istiń materıaldary Almaly aýdandyq ІІB ákimshilik tájirıbe bóliminen Almaty qalalyq ІІD tergeý basqarmasyna berildi.
Onyń aqparaty boıynsha, kompıýterlik tehnologııalar men vızýaldy baqylaý quraldarynyń kómegimen júrgizilgen tekserý barysynda bul kólikti - 1974 jyly týǵan P.esimdi azamattyń júrgizgeni anyqtaldy.
«Osy is boıynsha zańda bekitilgen sharalar keshenin júrgizgennen keıin protsessýaldyq sheshim qabyldanady», - dedi Almaty qalalyq ІІD tergeý basqarmasynyń bastyǵy, polıtsııa podpolkovnıgi Rýstam Abdrahmanov.
Eske salaıyq, 4 maýsym kúni saǵat 06:00-de Qabanbaı batyr men Panfılov kósheleriniń qıylysynda bolǵan jol-kólik apaty kezinde eki jaıaý júrginshi zardap shekti.
