Almatyda polıtsııa taspen birneshe avtobýstyń terezesin syndyrǵan buzaqylardy tapty
ALMATY. QazAqparat - Almatyda buzaqylar jolaýshylar avtobýsyna tas laqtyryp, áınekterin syndyrdy. Polıtsııa kúdiktiniń kim ekenin anyqtady, dep habarlaıdy QazAqparat tilshisi.
Terezesi shaǵylǵan avtobýstyń vıdeosy men sýreti áleýmetik jelide paıda boldy.
«Keshe «Saıaly- 2» shaǵyn aýdanynda belgisiz bireýler bir avtobýstyń áınegin syndyrǵan bolatyn. Búgin buzaqylar taǵy eki avtobýstyń terezesin taspen atyp syndyrdy. Jaqynda №25-marshrýtta avtobýs qalmaıdy. Eki aptada tórt avtobýs. Bul shynymen jabaıylyq «, - dep ashýlandy Facebook qoldanýshylarynyń biri.
Avtopark dırektory Bekejan Syrlanov turǵyndarǵa azamattyq belsendilik tanytqany úshin alǵysyn bildirdi.
«Búgin biz jergilikti turǵyndarmen jıyn ótkizip, taspen atqylaǵan avtobýstardy kórsettik. Oǵan ýchaskelik ınspektorlar men aýdan ákimdiginiń ókilderi qatysty. Basylymdardyń arqasynda Polıtsııa departamentiniń basshysy bul isti óz baqylaýyna aldy. Turǵyndarǵa azamattyq belsendilik tanytqany úshin alǵysymdy aıtamyn»,- dedi ol.
Almaty qalalyq polıtsııa departamentiniń baspasóz qyzmeti qazirgi ýaqytta Alataý aýdanynda osyndaı úsh fakti tirkelgenin habarlady.
Buzaqylar anyqtaldy. Qazir olardyń osy áreketine quqyqtyq baǵa beriledi.
