Almatyda polıtsııa oqý ortalyǵynan orgtehnıka urlaǵandardy ustady
ALMATY. QazAqparat – Almatyda oqý ortalyǵynan orgtehnıkany urlaǵandar anyqtaldy, dep habarlaıdy QazAqparat tilshisi.
Polıtsııa departamentiniń habarlaýynsha, qylmys 20 sáýirge qaraǵan túni jasalǵan. Polıtsııaǵa shaǵym úsh kúnnen keıin túsken. Ortalyq ıesi urlanǵan dúnıesin 150 myń teńgege baǵalady.
«Osy qylmysty ashý úshin arnaıy jedel-tergeý toby quryldy, onyń quramyna qalanyń krımınaldyq polıtsııasynyń qyzmetkerleri de bar. Beınebaqylaý kameralarynan derekterdi zerttedik. Úsh adamnyń júrgenin anyqtadyq, olardyń jeke basy bizge jedel-izdestirý sharalarynyń nátıjelerinen belgili boldy. Ótken kúni kúdiktiler Alataý aýdanyndaǵy «Shańyraq» shaǵyn aýdanynda ustaldy», deıdi Almaty qalalyq PD basshysynyń orynbasary Berik Ábilbekov.
Belgili bolǵandaı, ustalǵandar buryn qaraqshylyq, tonaý jáne bireýdiń múlkin urlaǵany úshin sottalǵan. Qazir olar ýaqytsha ustaý ızolıatoryna qamaldy. Sondaı-aq, osy úshtiktiń «Shańyraq» yqsham aýdanynda ornalasqan azyq-túlik dúkenderindegi úsh urlyqqa qatysy bary anyqtady.
«Qazirgi ýaqytta basqa qylmystyq epızodtardy anyqtaý boıynsha jedel-izdestirý sharalary júrgizilip jatyr. Sonymen qatar, urlanǵan múlikti taratý arnasyn anyqtaımyz. Tergeý jalǵasyp jatyr», – dedi Ábilbekov.
