Almatyda polıtsııa «Mol Aport» saýda úıinen jarylǵysh zat izdep jatyr
ALMATY. QazAqparat - Almaty oblystyq polıtsııasy «Mol Aport» saýda úıinen jarylǵysh zat izdestirip jatyr. Bul týraly oblystyq polıtsııa departamentiniń baspasóz hatshysy Kóbeıhan Nurahmetov aıtty, dep habarlaıdy QazAqparat tilshisi.
Onyń aıtýynsha, kúndizgi 11:00 men 12:00 aralyǵynda Almaty operatıvti basqarý ortalyǵynyń 102 kanalyna bir adam jasyryn qońyraý shalǵan.
«Ol Mol Aport saýda oıyn saýyq ortalyǵynda jarylǵysh zat qoıylǵanyn habarlady. Qazir 102 kanalyna habarlasqan adam kim ekeni anyqtalyp, ustaldy. Polıtsııa odan suraq-jaýap alyp jatyr. Al ǵımaratty qazir polıtsııanyń shuǵyl áreket etý qyzmetiniń ókilderi tekserip jatyr. Ǵımarat qorshaýǵa alyndy. Adamdardyń barlyǵy: qyzmetkerler men kelýshiler túgel qaýipsiz jerge shyǵaryldy», - dedi ol.
