Almatyda polıtsııa qyzmetkerlerine kúsh kórsetken 12 adam sottaldy
ALMATY. QazAqparat- Almatyda polıtsııa qyzmetkerlerine kúsh kórsetken 12 adam jaýapqa tartyldy, dep habarlaıdy QazAqparat tilshisi.
Almaty qalalyq Polıtsııa departamentiniń ózindik qaýipsizdik basqarmasynyń málimetinshe, byltyr qalada polıtsııa qyzmetkerlerine qyzmettik mindetterin oryndaý kezinde kúsh kórsetýdiń 21 deregi anyqtaldy.
Atalǵan epızodtar boıynsha QR QK-niń 380-baby boıynsha qylmystyq ister tirkeldi.
«12 derek boıynsha sot úkimi shyǵyp, kináliler QR zańnamasyna sáıkes laıyqty jazasyn aldy. Osy jyldyń qańtar aıynda departamenttiń tergeý bólimi 3 qylmystyq is tirkep, kúdiktiler qamaýǵa alyndy. Bılik ókilderine kúsh qoldanýdyń árbir deregi erekshe baqylaýda, - dedi Almaty qalasy PD ózindik qaýipsizdik basqarmasynyń bastyǵy Erik Jumabaı.
Basqarma bastyǵy bılik ókiline qarsy kúsh qoldanǵan nemese qorqytqan adamǵa úsh jyldan on bes jylǵa deıingi merzimge bas bostandyǵynan aıyrý jazasy qoldanylatynyn eske saldy.
