Almatyda polıtsııa qyzmetkerleri 35 túp kóshet otyrǵyzdy
ALMATY. QazAqparat - Almatyda «Mánshúk Mámetovanyń 100 jyldyǵyna» oraı uıymdastyrylǵan «Kóshet otyrǵyzý» naýqanyn Almatynyń polıtsııa qyzmetkerleri qoldady, dep habarlaıdy QazAqparat tilshisi qalalyq polıtsııa departamentine silteme jasap.
Jergilikti ákimdik ókilderiniń kómegimen Esirtki qylmysyna qarsy kúres basqarmasy jáne Áýezov aýdandyq Polıtsııa basqarmasy men bólimshesiniń qyzmetkerleri «Mamyr-2« yqsham aýdanynda kóshetter otyrǵyzdy.
Atalǵan sharaǵa aýdannyń turǵyndary da qoldaý kórsetti. Maqsaty – qalanyń ekologııalyq jaǵdaıyn jaqsartý, jańa jasyl aımaqtardy abattandyrý boldy.
Sharaǵa qatysýshylar mundaı naýqannyń jyl saıyn qarqyn alyp, oǵan beıjaı qaramaıtyndardyń qatary kóbeıerine senimdi.
Sharaǵa 35 adam qatysyp, 35 túp qaıyń kósheti otyrǵyzyldy.
Polıtsııa barlyq qatysýshylarǵa «Esirtkige birge qarsymyz» jáne «Nazar aýdaryńyz! Beı-jaı qaramańyz» jadynamalaryn taratty.
