Almatyda polıtsııa qyzmetkeri kóz jumdy

ALMATY. QazAqparat - Almatyda Túrksib aýdandyq polıtsııa basqarmasy bastyǵynyń orynbasary, polıtsııa polkovnıgi Tańat Nazanov qaıtys boldy, dep habarlaıdy QazAqparat tilshisi.

Qaraly habardy Almaty qalalyq polıtsııa departamenti rastady.

«Búgin 10 qańtarda saǵat 11:00-de Túrksib aýdanydyq polıtsııa basqarmasy bastyǵynyń orynbasary polıtsııa polkovnıgi Nazanov Tańat Janbaıuly jumys ornynda jedel járdem kelgenge deıin kenetten qaıtys boldy. Ólimge júrek talmasy sebep boldy», - dep habarlady departamentten.

Ókinishke qaraı, bul kúnderi qoǵamdyq tártipti saqtaý jáne eldiń konstıtýtsııalyq qurylysyn qorǵaý kezinde 16 polıtsııa qyzmetkeri qylmyskerdiń qolynan qaza taýyp, 1300-den astam saqshy men Ulttyq ulan, Qorǵanys mınıstrliginiń, sondaı-aq, arnaıy organdardyń áskerı qyzmetshileri jaraqat aldy.