Almatyda polıtsııa kúdik týdyrǵan soń toqtatqan kólikten qarý-jaraq tabyldy
ALMATY. QazAqparat – Almaty polıtsııasy 20 jastaǵy jigittiń kóliginen qarý tárkiledi, dep habarlaıdy QazAqparat tilshisi.
Polıtsııa Alataý aýdanynda «Toıota Korolla» kóligin toqtatqan.
«Tańǵy saǵat 5:00 shamasynda Dospanov kóshesinde júrgizýshiden kúdiktengen «Býran-027» ekıpajy kólikti toqtatqan. Polıtsııany kórgen ol sytylyp janama kóshege burylmaq bolǵan. Kólikte 19-20 jastaǵy 5 jigit bolǵan. Tintý kezinde olardan tapansha men onyń oqtary, eki myltyq tabylǵan. Jedel tergeý toby qarýdy ballıstıkalyq saraptamaǵa jiberdi», – dedi jergilikti polıtsııa qyzmetiniń patrýldik polkiniń komandıri Aıtjan Álmuhanbetov.
Onyń aıtýynsha, «Toıota» jolaýshylary men júrgizýshisi polıtsııa ýchaskesine jetkizildi.
Bul derekke qatysty QR QK 287-babymen qylmystyq is tirkeldi.
