Almatyda polıtsııa kóshede 2 jasar balasyn tastap ketken anany izdep jatyr
ALMATY. QazAqparat- Almatyda polıtsııa túnde kóshede tabylǵan balanyń anasyn izdep jatyr, dep habarlaıdy QazAqparat tilshisi.
Kishkentaı balanyń sýreti áleýmettik jelide tarady.
Polıtsııa departamenti baspasóz qyzmetiniń málimetinshe, ul balany 20 sáýirge qaraǵan túni aıaldamadan er adam taýyp alǵan. Ol jalǵyz qalǵan balany úıine aparyp, jýyndyryp, kıimin aýystyryp, tamaqtandyrǵan. Kelesi kúni polıtsııaǵa kelip jaǵdaıdy málim etken.
Polıtsııa balaǵa jedel járdem shaqyryp, ony medıtsınalyq tekserýden ótkizý úshin №2 balalar klınıkalyq aýrýhanasyna jetkizdi. Qazir ol aýrýhanada.
«ıÝvenaldy polıtsııa bólimi men Jetisý aýdandyq polıtsııa basqarmasynyń qyzmetkerleri eki jasar balanyń anasyn izdeýde. Qazirgi ýaqytta onyń aty-jóni belgili boldy. Onyń eki balasy bar. Alataý aýdanynyń polıtsııa basqarmasynyń málimetinshe, áıel osy balasyn birneshe ret tastap ketken. Qazir onyń turyp jatqan jerin anyqtaýmen aınalysyp jatyrmyz. Zańǵa sáıkes shara qoldanyady», - dep habarlady polıtsııadan.
Bala «mama» degen sózden basqa eshteńe aıtpaıdy.
