Almatyda polıtsııa kóligi órtendi
ALMATY. QazAqparat - Almatyda polıtsııa kóligi otqa orandy, dep habarlaıdy QazAqparat tilshisi.
Tótenshe jaǵdaı Maılın men Hmelnıtskıı kósheleriniń qıylysynda bolǵan.
Qalalyq Tótenshe jaǵdaılar departamentiniń baspasóz qyzmetiniń habarlaýynsha, Almaty oblysyna tirkelgen «Deý Neksıa» kóligi túski saǵat 12:50-ler shamasynda ózdiginen tutana bastaǵan.
Oqıǵa ornyna jetken órt sóndirýshiler tilsiz jaýdy 6 mınýtta sóndirdi.
Qyzyl jalyn 4 sharshy metr aýmaqty sharpyǵan. Órtten eshkim japa shekken joq.
Osyǵan deıin Almatyda dámhana órtenip, onyń saldarynan sol mańdaǵy kólikter men ǵımarattar zaqymdanǵandyǵyn habarlaǵan bolatynbyz.
