Almatyda polıtsııa kóligi áıeldi qaǵyp ketken sát beınelengen vıdeo jelige tarady
ALMATY. QazAqparat - Almatyda keshe polıtsııa kóligi qart áıeldi qaǵyp ketken bolatyn. Búgin áleýmettik jelide sol kólik oqıǵasynyń vıdeosy paıda boldy, dep habarlaıdy QazAqparat tilshisi.
Vıdeo oqıǵa ornynan ótip bara jatqan kóliktiń vıdeoregıstratoryna túsip qalǵan. Onda Tóle bı kóshesiniń tyıym salynǵan tusynan joldy kesip ótpek bolǵan qart áıeldi polıtsııa kóligi qaǵyp ketedi.
Esterińizge salaıyq, 4 qyrkúıek kúni tańerteń polıtsııa kóligi áıel adamdy «Tastaq» bazarynyń mańynda qaǵyp ketti.
Jábirlenýshiniń jaǵdaıy aýyr.
