Almatyda polıtsııa qoǵamdyq kólikterdegi jolaýshylardy tekserip jatyr
ALMATY. QazAqparat – Almatyda karantındi saqtaý maqsatynda polıtsııa qoǵamdyq kólikterdiń jolaýshylaryn tekserip jatyr, dep habarlaıdy QazAqparat tilshisi.
Tártip saqshylary almatylyqtardyń karantın rejımi kezinde qala ishinde júrýine ruqsat berilgen ne berilmegendigin anyqtap jatyr. Polıtsııa ınspektorlary planshet arqyly azamattardyń jedel shtabtyń biryńǵaı tiziliminde bolýyn nemese bolmaýyn anyqtaıdy.
«Bul jumysqa ýchaskelik polıtsııa ınspektorlary qatysady, olar qalanyń qoǵamdyq kólikterine tekseris júrgizedi. Ár azamattyń derekteri elektrondy túrde tekseriledi. Aqparat bolmaǵan jaǵdaıda, shuǵyl qajettilik bolmasa kóshede júrýge qatysty shekteýler týraly eskertý jasaımyz. Biz QR Ákimshilik quqyqbuzýshylyq týraly kodeksiniń 476-babyna sáıkes talaptardy túsindiremiz. Jergilikti polıtsııa qyzmetkerleri tek jedel shtabtyń tizilimindegi málimetterge súıenedi. Bul sharalar karantındik rejım aıaqtalǵanǵa deıin ótkiziledi», – dedi Almaty qalasy PD basshysynyń birinshi orynbasary Nurlan Almasbekov.
