Almatyda polıtsııa 16 jastaǵy oqýshy qyzdy izdestirip jatyr
ALMATY. QazAqparat - Almatyda 16 jastaǵy oqýshy Ekaterına Klımenko 6 táýlik boıy izdestirilip jatyr, dep habarlaıdy QazAqparat tilshisi.
Qazir boıjetkendi izdestirýge polıtsııa tergeý-izdestirý tobyn qurdy.
Atalǵan derek boıynsha qylmystyq is qozǵaldy.
«Bostandyq aýdandyq ІІB-ynda kámelettik jasqa tolmaǵan qyzdy izdestirý boıynsha tergeý-izdestirý toby quryldy. Balany jasóspirimder bóliminiń mamandary, ýchaskelik ınspektorlar izdep jatyr. Mamandar Katıanyń ómiri men aralasatyn ortasyn baqylaýǵa aldy», - dedi ІІD resmı ókili Saltanat Ázirbek.
Polıtsııa Ekaterına Klımenkony kórgen adamdar bolsa, 254-47-00: 254-47-01; 254-47-02 nemese 102 telefondaryna habarlasýdy suraıdy.
Aıta ketý, Facebook jelisinde Ekaterınanyń anasy qyzynyń úıine oramaǵanyn habarlap, jazba qaldyrǵan bolatyn.
«Klımenko Ekaterına Romanqyzy 2002 jyly 12 tamyzda týǵan. Boıy 155-160 sm shamasynda. Orta deneli. Shashy sary, ıyǵyna túsedi. Ústinde kók djınsy men qara fýtbolka bolǵan. Úıinen 6 maýsymda shyǵyp ketken. Sodan beri kelgen joq. Sońǵy ret Atakent, Mega, Abaı-Altynsarın kóshelerinde kórgen», - delingen habarlamada.
