Almatyda polıtseılerden tapansha men pyshaq jasyrǵan er adam ustaldy
ALMATY. QazAqparat - Almaty turǵynynan qarý tárkilendi, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, «102» pýltine Raıymbek jáne Nazarbaev dańǵyly mańynda qarýy bar belgisiz adam turatyny týraly habarlama tústi.
Oqıǵa ornyna Jetisý aýdanynyń jedel-tergeý toby attandy.
«Polıtseıler esikti qaqqanda jas jigit sanaýly sekýndtarda qarý-jaraqty jınap alyp, terezeden laqtyryp jibergen. Er adamnyń is-áreketi ázirge belgisiz», - dep habarlady qalalyq polıtsııa departamentiniń baspasóz qyzmeti.
Ol Jetisý aýdandyq polıtsııa basqarmasyna jetkizildi, onda istiń obektıvti mán-jaıy anyqtalatyn bolady.
