Almatyda polıtseıler qarsy jolaqpen artqa júrgen júrgizýshini izdestirip jatyr
ALMATY. QazAqparat - Almaty polıtsııasy Saın kóshesimen qarsy baǵytta júrgen, memlekettik nómiri joq kólik júrgizýshisin izdestirip jatyr, dep habarlaıdy QazAqparat tilshisi.
Onyń vıdeosy áleýmettik jelide tarady.
Beınejazbadan memlekettik nómiri joq «Lexus» kólik júrgizýshisiniń qarsy jolaqpen artqa júrgenin kórýge bolady.
Sonyń saldarynan jappaı kólik apaty boldy.
Qalalyq polıtsııa departamentiniń baspasóz qyzmeti tártip buzýshylar Qazaqstan Respýblıkasynyń zańnamasyna sáıkes mindetti túrde jazalanatynyn aıtty.
Polıtsııa qyzmetkerleri izdestirý sharalaryn bastady, árbir qatysýshy anyqtalady.
