Almatyda polıtseıler kámeletke tolmaǵandardy beıimdeý ortalyǵynyń tárbıelenýshilerin quttyqtady
ALMATY. 1 maýsym. QazAqparat - Almatyda qalasynyń polıtseıleri kámeletke tolmaǵandardy beıimdeý ortalyǵyndaǵy balalardy quttyqtady. «Balalarǵa nazar aýdar» aktsııasy aıasyndaǵy bul shara Halyqaralyq balalardy qorǵaý kúnimen ushtastyrylyp otyr.
«Biz balalarǵa dál osy mereke qarsańynda baryp, jetimdik kórgen sábılerge naǵyz meıram jasap, olardyń kóńil-kúılerin kótergimiz keldi. Al bul degenimiz naǵyz profılaktıkalyq tárbıe deýge bolady. Olardyń árqaısysy kontserttik baǵdarlamaǵa belsene atsalysyp, óz qabiletterin kórsete otyryp, bolashaqqa degen zor senimderin kórsetti. Bul búldirshinderdiń arasynda bolashaq estrada ártisteri, bıshiler men akterler de bar eken. Taǵdyry qıyn jasóspirimderdiń nebir kúrdeli ádebı shyǵarmalardy jatqa oqyǵandaryna qarap, biz olardyń kópshiliginiń durys baǵyt-baǵdar siltesek bolashaǵy jarqyn bolady degen baılamǵa keldik», - deıdi ІІD qoǵamdyq qaýipsizdik basqarmasy bastyǵynyń orynbasary Aıgúl Shópshekbaeva. Onyń aıtýynsha, qazir onda eresekterdiń qamqorlyǵynsyz, panasyz qalǵan 30-dan astam bala tárbıelenýde. Olar ondaǵy tárbıelenýshileriniń eresekterine ártúrli táttilerden basqa damytý oıynshyqtary men kıimder, oqýlyqtar men kórkem shyǵarmalar, al kishkentaılaryna - oıynshyqtar men mýltfılmder taratyp bergen.
