Almatyda polıtseı ózine qol jumsamaq bolǵan adamdy qutqaryp qaldy
ALMATY. QazAqparat- Almatyda polıtsııa qyzmetkeri ózine qol jumsamaq bolǵan er adamdy qutqaryp qaldy, dep habarlaıdy QazAqparat tilshisi.
«102» pýltine dabyl túnde kelip tústi. Qońyraý shalǵandar belgisiz er adam Nazarbaev pen Abaı dańǵylynyń qıylysynda ornalasqan munaradan sekirmekshi bolyp turǵanyn habarlady. Oqıǵa ornyna PD túsirilim toby alǵashqylardyń biri bolyp jetti. Osy kezde «Frantsýz úıiniń» kúzetshisi joǵaryǵa kóterilip, er adammen kelissóz júrgizip jatty. Al «Boran-160» ekıpajynyń patrýl qyzmetkerleri tómende turyp, er adam qulasa qaǵyp alý úshin tent jaıdy.
«Yńǵaıly sát kelgende joǵary shyqtym. Artynan jasyrynyp baryp, kúzetshimen birge er adamdy ustap aldyq, onyń óz-ózine qol jumsamaq áreketine tosqaýyl qoıdyq. Ony baspaldaqpen tómen túsirdik. Belgisiz adam qatty mas boldy jáne óz áreketiniń sebebin naqty túsindire almady. Patrýldik ekıpaj ony tergeý úshin Bostandyq aýdandyq polıtsııa basqarmasyna ákeldi», - dep, Almaty qalalyq Polıtsııa departamenti Іshki jáne syrtqy kommýnıkatsııalar basqarmasynyń baspasóz qyzmeti qyzmetkeri Talǵat Seıilbaev.
Onyńm kim ekenin polıtsııa anyqtady. M. esimdi er adam 1977 jyly týǵan, naqty turǵylyqty jeri joq.
