Almatyda poker oıynhanasyn zańsyz uıymdastyrǵan top sottaldy

NUR-SULTAN. QazAqparat – Almatyda monsha kesheninde astyrtyn oıynhana qyzmetin uıymdastyrǵan topqa qatysty sotqa deıingi tergeý aıaqtaldy. Bul týraly QazAqparat Qarjylyq monıtorıng agenttigine silteme jasap habarlaıdy.

«Tergeý barysynda 6 adam zańnamada belgilengen oryndardan tys jerde «Poker» oınaıtyn jer uıymdastyryp, 22,5 mln teńgeden astam asa iri kólemde kiris alǵany anyqtaldy. Jedel izdestirý is-sharalaryn júrgizý kezinde kazınoda oıynshy men qyzmetkerler bolǵan, ártúrli nomınaldaǵy oıyn fıshkalary, kartalary jáne basqa da qylmysty dáleldeıtin zattar tárkilendi. Sonymen qatar, astyrtyn kazınoda tek tekserilgen klıentterge kirýge múmkindik beretin júıe ornatylǵan», - delingen resmı málimdemede.

Agenttik málimetinshe, aıyptalýshylar kináli dep tanylyp, ártúrli merzimge bas bostandyǵynan aıyrý jazasyna kesildi.

Vıdeodan alynǵan kadr