Almatyda plastıkalyq otadan taǵy bir áıeldiń kóz jumǵany belgili boldy
ALMATY. QazAqparat - Almatyda maıyn alǵyzbaq bolǵan áıel kóz jumdy. Bul týraly QazAqparat tilshisine qalalyq Qoǵamdyq densaýlyqty saqtaý departamentiniń basshysy Aızat Moldaqasymova aıtty.
Qaıǵyly oqıǵa byltyr jeltoqsanda bolǵan.
44 jastaǵy J. Rahmanova «Moskva Delıýks» JShS emhanasynda aldyńǵy ish qabatynyń, qos búıiriniń, jambasynyń maıyn alǵyzý úshin ota ústeline jatqan. Áıelge otany atalǵan emhananyń basshysy, hırýrg Roman Alferov jasaǵan. Áıel otadan soń qaıtys bolǵan.
Qalalyq Qoǵamdyq densaýlyqty saqtaý departamenti atalǵan derekke baılanysty tekserýdi jaqynda bastady.
«2018 jyldyń 4 qazanynda Almaty qalalyq polıtsııa departamentinen 2017 jyldyń 9-10 jeltosqan aralyǵynda «Moskva Delıýks» JShS emhanasynda bolǵan qaıǵyly oqıǵa deregin tekserý týraly hat kelip tústi», - dedi departament basshysy Aızat Moldaqasymova.
Polıtsııa adam ólimine qatysty qylmystyq is qozǵady.
«Qazirgi tańda tergeý basqarmasy QR QK 317-baby boıynsha sotqa deıingi tergeý jumystaryn bastady. Operatsııany «Moskva Delıýks» JShS jekemenshik emhanasynyń hırýrgy Alferov Roman jasaǵan. Búginde tergeý basqarmasy arnaıy taǵaıyndalǵan saraptamanyń qorytyndysyn kútip otyr. Polıtsııa medıtsınalyq kómek sapasyn baqylaý departamentine hırýrg Alferov Romanǵa qatysty shara qoldanýdy surap hat jiberdi», - dedi polıtsııa Departamentiniń baspasóz qyzmetinen.
Aıta ketý kerek, bul Almatyda sońǵy eki jylda tirkelgen úshinshi jaǵdaı bolyp otyr. Buǵan deıin ýkraına azamatshasy Dana Agamýradova Almatyda ish maıyn alǵyzý úshin lıposaktsııa jasatpaq bolyp jekemenshik emhanalardyń birinde ota jasatqan.
Otadan soń 6 saǵat ótkende Dana esin jımastan kóz jumǵan. Dárigerlerdiń aıtýynsha, patsıent maı túıirshikteri ókpe tamyrlaryn bitep qalǵan soń kóz jumǵan.
Otany jasaǵan plastıkalyq hırýrg Dmıtrıı Pısarev qazir sot aldynda jaýap berip jatyr.
Dál osy hırýrgtyń qolynan bıyl qarashada taǵy bir áıel kóz jumdy. 30 jastaǵy Laýra Іzbasarova plastıkalyq ota jasatyp, omyraýyn tarttyrmaq bolǵan.
Bul qylmystyq oqıǵany da polıtsııa tekserýge aldy.
