Almatyda pırotehnıka ónimderin zańsyz satý derekterin anyqtaý boıynsha reıdter júrip jatyr
ALMATY. 26 jeltoqsan. QazAqparat /Názıra Eleýhan/ - Almatyda jańa jyldyq mereke qarsańynda polıtsııa qyzmetkerleri men memlekettik standarttaý ókilderi birlese petard jáne pırotehnıka ónimderin zańsyz satý derekterin anyqtaý úshin reıd júrgizýde.
Ondaǵy maqsat - jyl saıyn jańa jyldyq merekede qoldan jasalǵan pırotehnıkalyq zattardan bolatyn zardaptyń aldyn-alý bolyp tabylady.
1 jeltoqsanda bastalǵan reıdten beri birqatar saýda oryndary, onyń ishinde Ortalyq qara bazar da tekserilgen. Jetisý aýdanyndaǵy bul bazardan myńdaǵan pırotehnıka ónimderi tárkilendi. Onyń kópshiliginiń lıtsenzııasy joq jáne petard jáne "otshashý" satýǵa ruqsat qaǵazdary da bolmaı shyqqan.
Qazir reıd jumystary ásirese, jaıma bazarlar men qara bazarlarda kúsheıtilýde. Jaqynda ǵana Almatyda osy ónimderge baılanysty tótenshe jaǵdaı oryn aldy. Qaýipsizdik sharasy erejeleri saqtalmaǵandyqtan, pırotehnıka ónimderi satylatyn qoımada órt boldy, onyń saldarynan 19 jastaǵy bala kóz jumdy.
