Almatyda Pfizer vaktsınasyna 37 757 adam egildi

ALMATY. QazAqparat - 24 qańtardaǵy jaǵdaı boıynsha Almatyda koronavırýstyq ınfektsııanyń 205 667 jaǵdaıy tirkelgen, onyń ishinde 180 006-sy sımptomdy jáne 25 661-i sımptomsyz, 2 910-y anyqtalmaǵan pnevmonııa. Bul týraly qalalyq shtab otyrysynda Almaty qalasy Qoǵamdyq densaýlyq basqarmasynyń basshysy Narıman Tabynbaev málim etti, dep habarlaıdy QazAqparat tilshisi.

Infektsııalyq statsıonarlarda (3310 tósek-oryn) 1514 adam (onyń ishinde vaktsınalanǵandar 387, 189 bala), onyń ishinde 42-si óte aýyr, 274-i aýyr, 1098-i ortasha dárejede aýyr, 199-y jeńil, 1-i sımptomsyz.

Almaty qalasynda halyqty koronavırýstyq ınfektsııadan jappaı vaktsınatsııalaý jalǵasýda.

Narıman Tabynbaevtyń aıtýynsha, vaktsınatsııalaý úshin medıtsınalyq uıymdarda, mektepterde, mádenıet, sport obektilerinde, bazarlarda jáne saýda oıyn-saýyq ortalyqtarynda 250 egý pýnktin iske qosý josparlanýda. Búgingi kúni onyń 119 pýnkti jumys isteıdi, tolyq rejımde 520 adamnan turatyn 140 egý brıgadasy jumys isteıdi.

Kún saıyn halyq arasynda jetekshi BAQ, ınternet-portaldar, «Almaty» telearnasy, áleýmettik jeliler arqyly aqparattyq-túsindirý jumystary júrgizýde.

Búgingi kúni barlyǵy 1 099 187 adam vaktsınatsııalandy, onyń ishinde 24 695 quqyq qorǵaý organdarynyń qyzmetkerleri (polıtsııa, TJM, Qorǵanys mınıstrligi, UQK, ІІM, QR Memlekettik kúzet qyzmetiniń qyzmetkerleri), 35 546 (100%) pedagog, 38 983 (100%) medıtsına qyzmetkerleri.

Pfizer vaktsınasyn 37 757 adam aldy, onyń ishinde 2030 júkti áıel, 8173 bala emizetin áıel, 27 554 bala.

Budan basqa, qalada KVI revaktsınatsııasy júrgizilýde. Búgingi tańda 116 853 adam qaıta vaktsınatsııalandy (Pfizer – 8 674), onyń ishinde 18 306 medıtsına qyzmetkeri jáne 60 jastan asqan 6325 adam.

Almaty ákimi Baqytjan Saǵyntaev qalada «omıkron» nusqasynyń tez taralýyn eskere otyryp, vaktsınatsııa jáne revaktsınatsııa boıynsha jumysty kúsheıtýdi tapsyrdy. Almatylyqtarǵa arnaǵan sózinde ákim vaktsınatsııany keshiktirmeýge, al odan ótken adamdarǵa býsterlik egýdi qoıýǵa keńes berdi.