Almatyda Pfizer vaktsınasyn saldyrǵysy keletinder óte kóp - dáriger
Bul týraly №14 qalalyq emhananyń jalpy praktıka bólimshesiniń meńgerýshisi Roza Bekbaeva onlaın-suhbat barysynda aıtty, dep habarlaıdy QazAqparat tilshisi.
Dáriger aldymen vaktsınalaýǵa kimderdiń qarsy kórsetilimi bar ekenin aıtty.
«Vaktsınalaý aýyr onkologııalyq aýrýmen aýyratyn jáne dári-dármekterge aýyr allergııalyq reaktsııasy bar adamdarǵa qarsy kórsetilgen. Biz vaktsına salmas buryn osynyń bárin eskeremiz. ıAǵnı, eń aldymen mindetti tekserý, analız jınaý, saýalnama júrgizgen soń ǵana vaktsına salamyz. Aıta keteıin, aýyr allergııalyq reaktsııa vaktsınalaýdyń negizgi qarsy kórsetilimi bolyp tabylady»,- dedi emhana meńgerýshisi.
Onyń aıtýynsha, qazirgi tańda emhanada Pfizer vaktsınasyn saldyrǵysy keletinder óte kóp.
«Men oılaımyn, eger Pfizer vaktsınasynyń alǵashqy partııasy bitse, taǵy jetkizilimi bolady dep, sebebi, qazirgi ýaqytta bul vaktsınaǵa suranys joǵary. Tipti, qart adamdar kelip Pfizer vaktsınasy jaıly surap jatady»,- dedi dáriger.
Dáriger jasóspirimderdi vaktsınalaýdyń mańyzdylyǵy men egilýden keıingi qalypty jaǵdaılardy eske saldy.
«Jasy 12-den joǵary balalar aýrýdy tasymaldaýshy bolýy múmkin. Sebebi, 12-18 jas aralǵyndaǵy jasóspirimder adamdar kóp jınalatyn oryndarǵa, mektepterge, túrli úıirmelerge barady. Sondyqtan ózderi aýyrmas úshin jáne aınalasyndaǵylar da juqtyrmas úshin olardy vaktsınalaý durys».
«Egilýden keıingi qalypty jaǵdaı bolyp, dene qyzýynyń kóterilýi, azdaǵan diril, múmkin búkil deneniń aýrýy bolyp tabylady. Biraq, bul belgiler ádette úsh kúnnen aspaıdy. Bizdiń emhanada men ózim baıqaǵandaı, vaktsına alǵan adamdarda bul belgiler eki kúnnen artyq sozylǵan joq jáne aýyr asqynýlar bolǵan joq», - dedi Roza Bekbaeva.
Sondaı-aq, onyń aıtýynsha, qazirgi ýaqytta emhanaǵa júkti áıelder de Pfizer vaktsınasyn saldyrýǵa kelip jatyr.
«Júkti áıelder vaktsınany 16 apta men 37 apta aralyǵynda saldyrady. Biz olardy qadaǵalaımyz. Aldymen vaktsına saldyrmas buryn olardyń analızin jınaıdy, vaktsına saldyrǵan soń, jarty saǵat emhanada bolady. Kelesi úsh kún boıy biz olarmen tyǵyz baılanysta bolamyz»,-dedi dáriger.
Roza Bekbaevanyń aıtýynsha, qazirgi tańda №14 qalalyq emhanasyna 34 800 adam tirkelgen. Onyń 15 000-i balalar, 1-shi jáne 2-shi vaktsına alǵandar sany 15 283. 6 aı ótken soń, úshinshi vaktsınany – 1022 adam alǵan.
