Almatyda Pfizer vaktsınatsııasyn salý jumystary qalaı júrgizilip jatyr

ALMATY. QazAqparat- Megapolıstegi №11 qalalyq emhana bas dárigeriniń orynbasary Gúlmıra Aıtbaeva emhanada Pfizer vaktsınasymen ımmýndaýdy júrgizý algorıtmderi týraly aıtyp berdi, dep habarlaıdy QazAqparat tilshisi.

Gúlmıra Aıtbaevanyń aıtýynsha, vaktsınany emhanada kez kelgen kúni (aptanyń jeti kúni) jumys kúnderi saǵat 15:00-20:00, demalys kúnderi 09:00-18:00 aralyǵynda alýǵa bolady. «Ózderińiz biletindeı, Pfizer vaktsınasy 12-17 jastaǵy balalar, júktilik merzimi 16-37 aptalyq áıelderge jáne bala emizetin analarǵa arnalǵan. Dárgerler ekpe alýǵa kelgenderdi aldymen ımmýndaýǵa qarsy kórsetilimder boıynsha tekseredi. Balalarǵa keletin bolsaq, ata-anasynan jazbasha kelisim alynady», - deıdi dáriger.

Búgingi kúnge deıin №11 emhanada Comirnaty (Pfizer) vaktsınasyn eki júkti áıel, toǵyz bala emizetin ana, 43 jasósipirim aldy.

«Men ulymdy emhanaǵa alyp keldim. Ekpe saldyramyz. Jasóspirimder bir orynda otyrmaıdy, saqtyq sharalaryn da saqtamaıdy. Balam jıi dostarymen serýendeýge, kınoǵa jáne taǵy basqa jerlerge barady. Sondyqtan vaktsına alǵany durys dep sheshtik. Bul ınfektsııa balalarda jeńil ótedi deıdi, dese de aldyn alǵan jón»,- deıdi ata- ana.