Almatyda Pfizer-di aqyly túrde salý qarastyrylyp jatqan joq

ALMATY. QazAqparat - Almatyda Pfizer-di aqyly túrde salý máselesi qarastyrylyp jatqan joq. Bul týraly qalanyń bas memlekettik sanıtarııa dárigeri Qarlyǵash Ábdijabbarova aıtty, dep habarlaıdy QazAqparat tilshisi.

«Pfizer vaktsınasy boıynsha Densaýlyq saqtaý mınıstrligi ony aqyly túrde jetkizý máselesin qarastyrǵan bolatyn. Ol úshin qajet kelissózder júrgizildi. Biraq búginde bul másele qarastyrylyp jatqan joq. Bas memlekettik sanıtarııa dárigeriniń keıingi qaýlysynda jáne bizdiń qaýlyda da atap óttik. ıAǵnı Pfizer-di medıtsına qyzmetkerleri jáne 60 jastan asqandar revaktsınatsııa úshin qoldana alady. Al Pfizer-di aqyly túrde salý máselesi qalamyzda qarastyrylyp jatqan joq», - dedi spıker.

Sonymen qatar, ol qolda bar vaktsınalar Pfizer-den kem emes ekenin atap ótti.

« Qazir «omıkron» shtamyna baılanysty epıdemıologııalyq jaǵdaı nasharlady. Sondyqtan Pfizer ekpesin kútýdiń qajeti joq. Bizdegi vaktsınany alý kerek. Qolda bar vaktsınalar Pfizer-den kem emes»,- deıdi Qarlyǵash Ábdijabbarova.