Almatyda «Petrosýn» JShS suıytylǵan munaı gazyn joǵary baǵamen satqan

ALMATY. QazAqparat - Almatyda «Petrosýn» JShS suıytylǵan munaı gazyn satý kezinde monopolııalyq joǵary baǵalardy paıdalanǵany anyqtaldy. Bul týraly óńirlik kommýnıkatsııalar qyzmeti alańynda QR Básekelestikti qorǵaý jáne damytý agenttiginiń Almaty qalasy boıynsha departamentiniń basshysy Nurjan Uranhaev aıtty, dep habarlaıdy QazAqparat tilshisi.

«2021 jyly qyrkúıek – qarasha aılarynda suıytylǵan munaı gazynyń kóterme baǵasy ýákiletti organ bekitken shekti baǵadan 300%-dan astam ósip, tonnasyna 183 myń teńgeni quraǵan. Bul ósim bırjalyq saýda-sattyq kezinde «Petrosýn» JShS tarapynan taýar baǵasynyń obektıvti dáleldi sebeptersiz úzdiksiz kóterý sebebinen boldy», - dedi spıker.

Qabyldanǵan sharalardyń qorytyndysy boıynsha memleketke 2,2 mlrd teńgeden astam shyǵyn óteldi. Sonymen birge, monopolııaǵa qarsy organnyń qorytyndysy boıynsha naryqtyń jekelegen sýbektilerine munaı ónimderin (AI-92, DT) ótkizýden negizsiz bas tartýda kórsetilgen óziniń ústem jaǵdaıyn teris paıdalaný faktisi boıynsha «Petrosýn» JShS 600 mln teńgeden astam somaǵa ákimshilik jaýapqa tartyldy.

«Sotta qaraý nátıjeleri boıynsha monopolııaǵa qarsy organnyń is-áreketteri zańdy ári negizdi dep tanylyp, búgingi tańda aıyppul somasy tolyǵymen bıýdjetke qaıtaryldy», - dedi Nurjan Uranhaev.