Almatyda perzenthana men eki aýrýhana qalypty jumys rejımine kóshirildi
ALMATY. QazAqparat – Almatydaǵy epıdemıologııalyq ahýaldyń birtindep turaqtanýyna oraı kovıdtik statsıonarlardyń qyzmetterin atqarǵan aýrýhanalar qalypty jumys rejımderine kóshýde, dep habarlaıdy QazAqparat tilshisi.
Almaty qalalyq qoǵamdyq densaýlyq basqarmasynyń basshysy Narıman Tabynbaevtyń aıtýynsha, megapolıste koronavırýspen aýyrǵan naýqastardy aýrýhanaǵa jatqyzý tómendegen. Nátıjesinde №1 perzenthana men eki aýrýhana qalypty jumys rejımine oraldy.
«Halyk Arena» sport kesheninde ornalasqan juqpaly aýrýhanasy men Temirjol emhanasy koronavırýspen aýyratyn naýqastardy kútý júıesinen alynady.
Sonymen qatar, ol 1 maýsymnan bastap jedel medıtsınalyq járdem kórsetý aýrýhanasy muqııat dezınfektsııalaýdan keıin burynǵydaı jumys isteıtini týraly buıryq shyqqanyn aıtty.
«Ýaqytsha aýrýhanalar túrindegi qolda bar rezervti jáne qaladaǵy koronavırýsqa arnalǵan tósekterdi eskere otyryp, biz osyndaı sheshim qabyldadyq. Almatydaǵy aýrýhanalar burynǵy jumysyna oralady. Olar juqpaly emes aýrýlary bar patsıentterdi ózderiniń profılderine sáıkes qabyldaıtyn bolady», - dedi Narıman Tabynbaev.
