Almatyda perınataldyq ortalyqtyń burynǵy dırektory 27,3 mln aıyppul tóledi
ALMATY. QazAqparat - Para alǵany úshin sottalǵan Almaty perınataldyq ortalyǵynyń burynǵy dırektory 27,3 mln teńge aıyppul tóledi, dep habarlaıdy QazAqparat tilshisi.
2021 jyldyń maýsym aıynda №2 Bostandyq aýdandyq soty Almaty qalasynyń perınataldyq ortalyǵynyń burynǵy bas dárigerine qatysty qylmystyq isti qarady. Ol Qylmystyq kodekstiń 366-baby 3-bóligi 4 -tarmaǵy (para alý) boıynsha sottaldy.
«Sot barysynda sottalýshy Ǵ.B kinásin tolyq moıyndady, istegen isine ókindi, sonymen qatar protsessýaldyq kelisimge keldi, sol boıynsha 6 aı ishinde 35 ese aıyppul tóleýge mindetteldi. Sot úkimimen ol memlekettik qyzmette, sotta, jergilikti ózin-ózi basqarý organdarynda, Ulttyq bankte jáne onyń departamentterinde, retteý, baqylaý jáne qadaǵalaý jónindegi ýákiletti organdarynda laýazymdy orynda otyrý múmkindiginen aıyryldy»,- dep habarlady №2 Bostandyq aýdandyq sotynan.
Búgingi kúni ol 27,3 mln teńge kólemindegi aıyppuldy tolyq tóledi. Úkim zańdy kúshine endi.
