Almatyda penoplast óndiretin tseh órtendi
ALMATY. QazAqparat - Alǵabas aýdanynda penoplast óndiretin tseh órtendi. Bul týraly Almaty qalalyq TJD-nyń resmı ókili Sandýǵash Baımuhambetova habarlady.
«Saǵat 13:50-de almaty TJD-nyń «101» qyzmetine Alataý aýdany Alǵabas shaǵyn aýdanyndaǵy JEO-2 mańyndaǵy tseh órtengeni jaıly kýágerlerdiń habary kelip túsken. Órt sóndirýshiler 8 mınýttan soń sol jerge bardy. Olar penoplast óndiretin tseh órtenip jatqanyna kýá bolǵan», dedi TJD resmı ókili.
Qolǵa alynǵan sharalar nátıjesinde órt saǵat 14:08-de beti qaıtarylyp, 14:21-de tolyǵymen sóndirilgen. Jalyn 450 sharshy metr aýmaqty sharpyǵan.
FOTO: caravan.kz
