Almatyda pedagogtar úshin 48 páter bólingen ıpotekalyq turǵyn úıdiń jeke baǵdarlamasy júzege asyrylýda - A.Esimov
ALMATY. 4 qazan. QazAqparat - Pedagog qyzmetkerlerge «100 mektep, 100 aýrýhana» memlekettik baǵdarlamasy boıynsha 635 páter jáne kommýnaldyq arendalyq turǵyn úıler bólindi.
Bul týraly búgin Almatyda Muǵalimder kúnin merekeleý kezinde qala ákimi Ahmetjan Esimov málimdedi.
A.Esimov muǵalimderdi kásibı merekelerimen quttyqtap, Almatyda pedagogtardy qoldaý máselesine erekshe nazar aýdarylatynyn atap ótti.
«Oblıgatsııalyq qaryz aıasynda ıpotekalyq turǵyn úıdiń jeke qalalyq baǵdarlamasy qurylyp, júzege asyrylýda, ol arqyly bilim berý salasynyń qyzmetkerleri úshin taǵy 48 páter bólindi. Bul maqsattarǵa jergilikti bıýdjetten tórt mıllıard teńge qarastyrylǵan», - dep atap ótti Ahmetjan Esimov.
Ákim sondaı-aq sońǵy jyldary Almatydaǵy bilim berý salasynyń qarjylandyrylýy derlik eki esege artyp, 45 mıllıard teńgeni quraıtynyna nazar aýdartty. Bul ýaqyt aralyǵynda qalada bilim berýdiń jańa 40 nysany salyndy.
Sharanyń sońynda qala basshysy Almatynyń úzdik pedagogtaryn Qurmet gramotalarymen marapattap, olarǵa páterlerdiń kiltterin tabystady.
