Almatyda pedagogtar men polıtsııa qyzmetkerlerin vaktsınalaý bastaldy
ALMATY. QazAqparat - Almatyda pedagogtar men polıtsııa qyzmetkerleri koronavırýstan vaktsına qabyldaı bastady. Bul týraly qalalyq Sanıtarlyq epıdemıologııalyq baqylaý departamenti basshysynyń orynbasary Ásel Qalyqova aıtty, dep habarlaıdy QazAqparat tilshisi.
«Ia, vaktsınatsııa bastaldy. Qalanyń muǵalimderin vaktsınalaý kesheden beri júrip jatyr. Bir táýlikte 300 adamǵa salynýy tıis. Polıtsııa departamentiniń qyzmetkerlerin de vaktsınalaý bastaldy», - dedi brıfıng barysynda Ásel Qalyqova.
Keshe 20 muǵalim, 50 polıtsııa qyzmetkerine ekpe egildi.
Aıta ketý kerek, vaktsına saldyrý 1 aqpannan bastap erikti túrde júrgizilip jatyr.
