Almatyda paýerlıftıngten Qazaqstan chempıonaty bastaldy
ASTANA. QazAqparat - Erler men áıelder, jasóspirimder, uldar men qyzdar jáne ardagerler arasynda paýerlıftıngten Qazaqstan chempıonaty jáne klassıkalyq paýerlıftıngten jekeleı synda el chempıonaty bastaldy. Sporttyq is-shara Almaty qalasy Dene shynyktyrý jáne sport basqarmasynyń qoldaýymen ótýde. Álııa qonaqjaıynda ótip jatqan paýerlıftıng jarysy 2017 jyldyń 7 naýryzyna deıin jalǵasady. Jankúıerler bul is- sharany tańǵy 10.00-den 17.00-ge deıin tamashalaı alady.
El chempıonatyna Germanııa memleketinen kelgen arnaıy qonaq shaqyryldy. Gaston Parash myrza, IPF álemdik federatsııasynyń orynbasary.
- Birinshiden, barlyq paýerlıftıng nusqaýshylaryna alǵysymdy bildirgim keledi. Sebebi, sportshynyń jeńisi onyń nusqaýshysyna baılanysty. Nusqaýshylar, durys baǵyt-baǵdar berip, antıdopıng erejeleri jaıly eskertip, tártipke úıretýi qajet, - deıdi IPF álemdik federatsııasynyń orynbasary Gaston Parsh.
Keshe erler men áıelder, jasóspirimder, uldar men qyzdar jáne ardagerler arasynda jatyp syǵymdaýdan Qazaqstan Respýblıkasynyń Chempıonaty jáne klassıkalyq paýerlıftıngten jekeleı synda Qazaqstan chempıonaty myna kategorııalar boıynsha ótti: 105,120,120+. Jalpy aıtqanda, búgingi paýerlıftıng chempıonatyna 600-den astam sportshy qatysty.
