Almatyda páterin jalǵa berýshiler 43 mln teńge salyq tóledi
Qalalyq Memlekettik kirister departamentiniń baspasóz qyzmeti taratqan aqparatqa sáıkes, mekeme mamandary qazirgi tańda úıin jalǵa beretin tulǵalardy salyq organdarynda tirkeý boıynsha jumystardy belsendi atqaryp keledi.
«Búginde esepte 1457 jalǵa berýshi tur. Júrgizilgen túsindirý jumystarynyń arqasynda jyl basynan beri 2798 adam óz erkimen tirkeldi. Osylaısha bıyl jalpy 4255 adam tirkeldi. Bul aldyńǵy jylǵa qaraǵanda 5 ese kóp», - dedi departament jetekshisiniń orynbasary Qanat Baltabekov.
Departament ókili atalǵan sanattaǵy kásipkerlerdi tirkeý protsesi jeńildetilgenin atap ótti. Ol úshin tek kásipkerlikti bastaǵany jóninde HQKO-ǵa aqparat berse bolǵany. Olardyń tabysynan 2 paıyzdan bastap salyq tólenedi.
Al jeke kásipker retinde tirkelmese jyldyq tabysynan 10 paıyz tóleýge májbúr bolady.
