Almatyda páterden órt shyǵyp, bir adam mert boldy
ALMATY. QazAqparat - Almatynyń órt sóndirýshileri janyp jatqan páterden bir er adamdy qutqardy. Ókinishke qaraı, bir áıel mert boldy, dep habarlaıdy QazAqparat tilshisi.
Tótenshe jaǵdaılar departamentiniń baspasóz qyzmeti málim etkendeı, órt temeki tuqylynan shyǵýy múmkin.
«16 aqpan keshki saǵat 21:47-de Almaly aýdanynyń órt sóndirýshileri Bógenbaı batyr kóshesi, № 305 mekenjaıynda órt bolǵany jaıly habarlamaǵa shyqty.Kelgen kezde, eki qabatty úıdiń ekinshi qabatyndaǵy páter ashyq jalynmen janyp jatqanyn anyqtady.Terezeden kómek surap, sekirýge umtylǵan 1988 jyly týǵan er adamdy órt sóndirýshiler úsh ıindi satymen qutqaryp úlgerdi» dep habarlady vedomstvadan.
Janyp jatqan eki bólmeli páterde joǵary temperatýra men tyǵyz tútin paıda boldy.
Shuǵyl túrde gaz-tútinnen qorǵaý qyzmeti órtti sóndirýge órt oqpandaryn jiberdi.
Qyzyl jalyn 13 mınýt ishinde sóndirildi.
Órtti barlaý jáne sóndirý barysynda bir áıeldiń denesi tabyldy.
Qazir polıtsııa qyzmetkerleri onyń kim ekenin anyqtap jatyr.
