Almatyda páterden bir rettik 40 myń dozalyq mefedron tárkilendi
«Taıaýda ǵana reseılik áriptestermen arnaıy operatsııa barysynda ońtústik astanada taǵy bir zerthana joıyldy. Almaty qalasynyń úsh turǵyny ustalyp, olardan 10 keli mefedron tárkilendi. Ózara sybaılasqan olar óndiristi qylmystyq top qatysýshylarynyń biriniń páterinde jolǵa qoıǵan. Shıkizatqa syrttan tapsyrys berip otyrǵan. Al daıyn esirtkini Almatyda taratýdy kózdegen», - dedi QR ІІM esirtki qylmysyna qarsy is - qımyl departamentiniń bastyǵy Tilegen Matkenov ІІM-niń onlaın baspasóz máslıhatynda.
Zerthanany tintý barysynda hımııalyq reaktıvter, esirtkini daıyndaýǵa arnalǵan qurylǵylar men komponentter, aýany tazartý júıeleri anyqtalǵalǵan.
«Qandaı qaıǵyly jaǵdaıdyń aldy alynǵanyn kózińizge elestetip kórý úshin myna mysaldy keltireıin: osy fakt boıynsha ǵana zaısyz aınalymnan mefedronnyń bir rettik 40 myń doza tárkilendi. Onyń jalpy quny 240 mln teńgeni quraıdy», - dedi ol.
Tilegen Matkenov atap ótkendeı, zańnamalyq turǵyda qabyldanǵan sharalardyń arqasynda snıtetıkalyq esirtkilerge qarsy kúres qarqyny kúsheıe túsken. Naqtyraq aıtqanda esirtkiniń jańa 89 túri baqylaýǵa alynatyn tizimge engizilgen.