Almatyda páterden áıel men eki balanyń máıiti tabyldy
ALMATY. QazAqparat- Almatyda turǵyn úılerdiń biriniń páterinen áıel men eki balanyń máıiti tabyldy, QazAqparat tilshisi.
Almaty qalalyq polıtsııa departamentiniń málimetinshe, 6 tamyz kúni jedel basqarý ortalyǵyna «Mamyr» shaǵyn aýdanyndaǵy páterlerdiń birinen 34 jastaǵy áıel men onyń 2015 jylǵy jáne 2020 jyly týǵan balalarynyń denesi tabylǵany týraly habarlama túsken.
«Materıaldy jınaýdyń tolyqtyǵyn qamtamasyz etý jáne adamdardyń óliminiń mán-jaıyn anyqtaý maqsatynda tergeý-jedel toby shyqty. Oqıǵa ornyna kelgen polıtsııa departamentiniń bastyǵy, polıtsııa general-maıory Arystanǵanı Zapparov tergeý barysyn óz baqylaýyna aldy»,- dep habarlady vedomstovadan.
Sot-medıtsınalyq saraptama taǵaıyndaldy.
