Almatyda páter urylary qylmys ústinde ustaldy
ALMATY. QazAqparat- Almatyda páter urylary qylmys ornynda ustaldy, dep habarlaıdy QazAqparat tilshisi.
Polıtsııa málemetinshe, kúdiktiler krımınaldyq polıtsııa, Naýryzbaı aýdandyq polıtsııa basqarmasy men polıtsııanyń arnaıy jasaqtarynyń jedel-izdestirý sharalarynyń barysynda ustalǵan.
«Kúdiktiler «Shuǵyla» yqshamaýdanynda ornalasqan kópqabatty úlerdiń birindegi páterdi tonap, altyn buıymdardy qoldy etken. Kelgen shyǵynnyń jalpy somasy - 250 myń teńge. Kúdiktiler qylmys ornynda ustaldy. Olar zattaı aıǵaqtardan qutylyp úlgermegen. Tutqyndaý kezinde altyn saqına men altyn alqa tárkilendi jáne qylmystyq is materıaldaryna tirkeldi», – dedi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.
Ustalǵandar – 32 jastaǵy A. esimdi Almaty oblysynyń týmasy, 35 jastaǵy K. esimdi ShQO týmasy jáne 44 jastaǵy B. esimdi Jambyl oblysynyń týmasy.
Úsheýi de buryn múliktik qylmys jasaǵany úshin sotty bolǵan.
Spıkerdiń sózinshe, qylmystyq úshtik músheleri ýaqytsha ustaý ızolıatoryna qamaldy. QR QK-niń 188-baby 3-bólimi boıynsha sotqa deıingi tergeý amaldary júrgizilýde.
Bul toptyń Naýryzbaı aýdany aýmaǵynda jasalǵan 6 páter tonaýyna qatysy bar-joǵy anyqtalyp jatyr.
